Posts Tagged ‘林海峰’

林民龍

June 29th, 2008 under Music, Share

Audio clip: Adobe Flash Player (version 9 or above) is required to play this audio clip. You also need to have JavaScript enabled in your browser.

軟硬天師十幾年前與當時正紅的王菲合唱了一首〈請勿客氣〉，內容叫人喜歡要用口講，想不到十多年後同樣題材能夠再做一次，不過，王菲的位置換了麥浚龍，〈林民龍〉正是三人的名字組合合稱。

喜歡軟硬的，不能錯過。個人很喜歡這種軟硬的歌路，起碼上一張〈Long Time No See〉就找不到，希望下年真的出碟的話能做些這類歌吧。

林民龍 – 麥浚龍 (Featuring 軟硬天師)

作曲：王雙駿
填詞：林海峰/黃偉文
編曲：王雙駿
監製：王雙駿

J：你在一百萬年後 我在一百萬年後
都等對方等到下唇 都生銹
幹什麼恃住長壽 繼續忍痛做成就
不敢對準心愛對象 揸咪講感受

SH：Yeah點解你咁驚 仲唔開口去講一聲 What
手機乜嘢冧巴都攞到啦 打俾佢啦
吞吞吐 講乜嘢都好
講真你怕乜喎 係咪怕電話會打錯
喂 搭錯線呀麥生 不過錯過咗你仲錯

SH：打通咗講乜先 講冧
一於講心 交交心 傾一傾通宵
Oh！語氣要放輕 試吓扮吓正經 總好過無無聊丫
逗人哋笑 不必送錶
喂 快啲睇睇錶 就天光喇等幾點先出招

J：你在一百萬年後 我在一百萬年後
都等對方等到下唇 都生銹
幹什麼恃住長壽 繼續忍痛做成就
不敢對準心愛對象 揸咪講感受

SH：睇真 你都幾好
又會跳舞又會唱K Ho Yeah！
鬥靚就冇機 但你對個個亦算OK
駛乜理咁客氣 終歸你要試一次 咪再嗌切碎
咁怕死 等叔叔教你用手指 快快脆打咪猶疑

SH：諗咩啫 俏嬌娃 佢幾抵錫
甜美又趣緻 佢好孝順 你又知唔知
仲唔快啲緊啲再出力啲送花送牌做粉絲
仲sms 扮打字叻 揸住個電話唔講做咩啫

J：你在一百萬年後 我在一百萬年後
都等對方等到下唇 都生銹
幹什麼恃住長壽 繼續忍痛做成就
不敢對準心愛對象 開咪講感受

J：你擰左我又行右 你入先我又留後
只等對方一下射球 先開口
這段歌這樣長壽 軟硬高唱十年後
點解客這種氣未曾 開咪講感受

E：你知個女仔大把人吼啦
J：你唔開口就我嚟出手喎
E：唔好怕醜 壯一壯膽 食個煙斗
J：hm…不過小心條街好多狗

林海峰 是但o翕 求其大合唱 Part 2

May 30th, 2008 under Art, Music

其實白色那件Tee都幾鍾意，而且佢出的Tee質地係好，著好多次都唔會走樣，不過實在太貴。

自己好buy佢的「De-side」，林狗之後來個林兔，用既色同舞台設計冇花巧，但感覺好出。

開場前戴住林兔頭飾來張自拍照先！

其實Part 1的內容只保留了一半左右，而且再講都講得明快D（可能因為反應始終差D），新野方面都幾好！呢位哥仔無得頂！而且佢出場果下真係好爆，呢度唔講住了。

首場阿葛入院，令到我第二場睇林狗要單拖做高山青龍呢part，呢part其實用唱歌講band都好正，如果DVD版係錄左首場等大家睇番阿葛演出就正啦。

我哋大家

February 28th, 2008 under Music

可能因為林海峰不是歌手，令他做唱片更需認真，其實他的唱片都算值得聽，起碼在想嘗試新東西之餘也不失流行元素。他可能音不準，技巧不夠，但是一個以聲線工作了20年的人，也很懂得如何運用自己把聲。他的專輯每次都由不同人打造，就如今次全碟13首歌，共由13個不同監製負責：陳奐仁、王雙駿、Solar、Jerald、張佳添、黃貫中…班底也有吸引力。


原本影了唱片封套照，最後一張也沒有用。

看《Orange Melody》，知道原來這張專輯是由「高山青龍」這個Project衍生出來。「高山青龍」原是之前黃貫中演唱會一條短片中，軟硬天師飾演的角色，原來他們想過將這個組合「發大來搞」，出唱片，甚至拍電影，最後因為覺得軟硬重組只此一次而作罷。結果當中收了一些Rock味較重的作品，也順理成章落了這張專輯內。13首歌，有扮賑災歌有Rock歌有慢歌有rap有怨曲有民歌有夏威夷feel有兒童合唱團玩Opera，歌曲風格迴異，就由「家」的概念串連。

頭幾首歌都是較輕快，或Rock味較重的，由第7首〈我掉〉開始則一轉，開始有輕鬆的慢歌出場。最喜歡有謝安琪的〈世界有古怪〉，感覺非常軟硬時代〈請勿客氣〉feel，謝安琪放輕聲線唱很動聽，歌詞也一絕，她一人分演女朋友到女兒到女兒長大成人（不過都係同一把聲）。〈我係邊個〉如果換作陳奕迅唱的話可能成為大熱作品（哈哈），很喜歡Jerald的旋律。

DVD沒有上次《三字頭》搞那麼多花臣，但也不只那4首mv而已，Papajay導演的幕後花絮依然有水準。

推介：世界有古怪、我係邊個、傻婆、我掉、我哋大家、你老闆